&& مصر الغاليه && - كلمات الشاعره / أميره‬ شقير

هقفـل عليكـى يا بلدى
ورموشى ليكى حراس
يا مصر يا غاليه يـا امى
يـا مجمعـه كل النـاس
&&&
وهقول هقوووول
هقول على ايه ولا ايه ؟
دا نيلها شريـان جـوانا
واتـربينــا عليــه
&&&
هقول على الخير لو غايب
مهمــا يكـــون راح لغــيرنا
كفــايــه اننــا يــا بــلادى
فى حماكى وفيكى كبرنا
&&&
هقــول عـن الآثـار
اللــى جمعـت المــلايين
يا مصر انتى ليكى حاسدين
يا أرض الحضاره والفراعين
الله عليكى يا مصر
&&&
هقول عن الزرع الأخضر
وسنـابل الخـير وهكـبر
اللــه عليكـى الله اكبر
يـــا أرض الفــيروز
&&&
وفــى سينــا هنـلاقى رجـاله
عايشين فى خيرها ومش عاله
بيحمــــوا ارضـــك يـا بـــلادى
اللـــــــه عليكى اللـــــــه
&&&
راح اقول عن الناس وطيبيتها
شــافــوا كتــير تحـــت رايتهـــا
ومكملين يا بلدى والنصر من الرحمن
&&&
كنائس مساجد هتلاقى
حــب الوطـن جوانا باقى
لــو العــدو يفكــر يقــدر
انـه يفــرقنـــا غلـــطـان
&&&
هقـول علـى صعيد جوانى
بالخـير يفيض بين أحضانى
سوهاجى منياوى أسوانى
عــاشقـين ترابـك يـا مـصر
&&&
هقول على الوجه البحرى
وهــرم ونيل جـوانا يجـرى
ميــه بنـزرع بيهــا الحــب
والعــالــم جــــه وشاف
&&&
كل اللى يشرب من نيلها
بالحــب دايمــاً بيجيلهـــا
بلـدى الجميلــه مـولاتـى
انتــى تــاج فــوق الـراس

‫‏