زمن الخداع ....!!! بقلم / سمر علي

زمن الخداع ....!!!

آه يا زمن الخداع 

حلم عمري أراه يسرق 

صار يغصب

أو يباع 

تكسرني الآهات 

تمزقني الأوجاع 

تبددت سعادتي 

أين حلمي ....؟!

ضاع عمري ....!!

فهل هنا من يشتري ....؟؟!

لحطام قلب مضاع 

من حطم هذا القلب ...؟؟!

من هذا الذي هان عليه حبي ...؟؟!

و استهان بحلمي ....!!

آه يا وجعي ...!!

أغرقتني دموع عيني 

متي تستكين يا ألمي ....؟؟!

صارت الأحزان في وجهي 

أين أنت يا زمني......؟؟! 

هل من وقت للرجوع...؟؟!

كل شئ ضاع مني 

لم يعد هناك من أمل 

لتحقيق حلمي

سمر علي

&& حبيبى الحب مش كلمه &&
*******************************
حبيبي الحب مش كلمة ..... ( حماده )
ولا نسمة ف حر الصيف
وعمره ما كان ف يوم همسة ...
ولا لمسه وجو لطيف .
&&
حبيبى الحب دا غنوه --- ( أميره )
مابين اتنين من الأحباب
ولما يغيب واحد منهم
يكون البعد كله عذاب
&&
حبيبي الحب ده فرحة ......... ( حماده )
شعور نابع من الاحساس .
يخلي قلوبنا فيه سارحة ........
كإن عيوننا صابها نعاس .
ونبضة ف القلوب طارحة .......
تبيد للكره اي اساس .

&&
حبيبى الحب لما يصيب --- ( أميره )
يسيب فى القلب دوامه
بشكل جميل بنعشقها
تخلّى الدنيا فرحانه
وفاتحالنا دراعتها
وبالأحضان وخدانا
&&
ولمسة م الحنان شرحة ......... ( حماده )
بتظهر فينا كل حماس .
دا ربنا للقلوب اوحي ............
والف بين قلوب الناس .
نعيش بالحب ومسامحة .......
ويبقالنا كما الانفاس .
&&
ولمسة ايد بتسرقنا من الدنيا --- ( أميره )
ونظرة عين تتوهنا كده فى ثانيه
نلاقى الحب زى الطير واخدنا معاه
على غصن وفيه ورده بتحضنّا
وتهمس لينا جوا الروح وتسرقنا
نلاقى الحب بيسكن جوا ملامحنا
كما الفراشات بألوانها بتسعدنا
حبيبى الحب مش كلمه

&& أعظم شعب && ---- كلمات (( حماده مختار & أميره شقير ))
********************
مصريين احنا اعظم شعب. ...... ( حماده )
ومصر بلدنا خير وامان..
طول عمرنا بنعدي الصعب ......
ونزرع حب ف كل مكان .
تاريخ اجدادنا ف عقل ولادنا ...
وحب بلدنا جوه القلب .
علشان كده احنا اعظم شعب
&&
مصريين احنـا واسـم بلـدنا مذكـورفـى القرآن ( أميره )
واللى بيدخل ارضى الغاليه بيحس بخير وأمان
مصريين والنيل فى بلدنا رمز الخير هو الشـريان
واللى بيشرب منه بيرجـع مصر بتاخده بالأحضـان
&&
مصريتنا عزيزة علينا .......... ( حماده )
مزروعة فينا وفيها ندوب .
جدنا مينا وحد بينا ...........
مصر الغالية شمال وجنوب .
عمرنا يوم مانطاطي الروس ....
نمد ايدينا الكل يبوس ... ...
اقرا تاريخنا هتلاقي احمس .....
مع رمسيس قهروا الهكسوس..
دا تاريخ اجدادنا ف عقل ولادنا...
وحب بلدنا جوه القلب ..
علشان كده احنا اعظم شعب..
&&
اعظم شعب واسأل عنّا من آلاف السنين ( أميره )
اهرامات وحضاره تشهد مصر أمى تبقى مين
احنا شعب خـاض حروب وعبرنا خـط بارليف
والعدو فكرنا عاجزين فكر شعب مصر ضعيف
لكن بقوة الأراده حطمنا اسطوره كانت كلها زيف
علشان كده احنا اعظم شعب مشهور بالدم الخفيف
&&
مصريين وقلنا هنبني .......... ( حماده )
وأدينا بنينا السد العالي..
ابويا بيحكي ليا انا وابني .......
ازاي هو وعمي وخالي ..
شقيوا بجد وتعبوا بكد .......
لحد ماتموا بناء السد. .......
علشان نروي ونزرع صح........
ماكنا هنعرف لولا السد.
دا تاريخ اجدادنا ف عقل ولادنا ...
وحب بلدنا جوه القلب .
علشان كده احنا اعظم شعب
&&
مصر أمى شافت كتير من حكام ومن يهود ( أميره )
كل مصرى عرق فى بلدى علشان يحمى الحدود
مصر هى ارضى وعرضى واللى يوجعها يموت
مش هنسيبها للأعادى مش هنسجد للسكوت
احنا شباب الثوره لازم حلمنا عمره مايموت
علشان كده احنا اعظم شعب فى الحديد يفوت
&&
مصريين عرفانا الدنيا ....... ( حماده )
كل كلامنا حكم ودروس .
قلنا هنمحي نكسة يونيه ......
بدون امريكا.. بدون الروس .
ستة اكتوبر يشهد لينا ........
شاهد نصرنا علي اعادينا .....
يوم مامشينا طريق النصر ....
ف عز الضهر نحرر سينا .
دا تاريخ اجدادنا ف عقل ولادنا...
وحب بلدنا جوه القلب .
علشان كده احنا اعظم شعب
&&
مصريين والشعب الطيب شاف أهوال ( أميره )
حـاكـم ظالـم سـارق شعبـه مـع الاندال
وعشان احنا صبرنا كتير على الأهمال
عالفيس بوك خططنا لخلعه مع الشعب
ووقفنا وقفة رجاله واتحدينا كل الصعب
وهزمنا الخوف جوانا واللى حمانا هو الرب
علشان كده احنا اعظم شعب
&&
مصريين للسلم جنحنا ........ ( حماده )
بعد النصر وراسنا لفوق .
روحنا القدس هناك ونجحنا ....
نرجع حقنا المسروق .
وعلمنا رجع رفرف عالي .......
علي جزء من الوطن الغالي...
وقولنا ساعتها ياريسنا ........
وياك ف سلامك طوالي..
&&
مصريين متحدين مسلمين ومسيحيين ( أميره )
احنا شعب عريق ومصر زهرة البساتين
مصريين ومهما قالوا مش هنضعف او نخاف
واللى هيزايد علينا هو أكيد بعيونه شاف
مصريين وبلدنا طاهره هنحميها فى كل اوان
فاكرين لمتنا وصمودنا واحنا ماليين الميدان ؟!!
احنا شعب منتكسرش احنا شعب مش جبان
بصوا على مصر الحبيبه قلب العالم من زمان
علشان كده احنا اعظم شعب وللوطن العربى بنتمنى الأمان

&& يا أعز الحبايب && لأخى الشاعر المبدع {حماده مختار }

............... { يا أعز الحبايب } ...............
حبيبي يا غايب .......... يا أعز الحبايب .
وحشاني ملامحك .
بكتبلك قصايد ........... بالشوق اللي زايد ..
وأقولك مسامحك .
بس إنت تعالي ........... نكمل قواله ...
نتصافي وأصالحك .
يا أعز الحبايب .
************************************
وإنت بعيد ياغالي ......... ما فارقتش خيالي ..
جوه القلب ساكن .
أسهرلك ليلاتي .......... وأدورلك يوماتي ..
في كل الاماكن .
بعادك كاويني ........... يا مزود أنيني ..
مخاصمك ولكن .
بكتبلك قصايد ............ بالشوق اللي زايد ..
وأقولك مسامحك .
بس إنت تعالي ............ نكمل قواله ....
نتصافي وأصالحك .
يا أعز الحبايب .
***********************************
غيابك جارحني ............ تعالي وصارحني ..
وقوللي الحقيقة .
قول ياحبيبي مالك ........ وبإيه انشغالك ....
عن روحي الغريقة .
اوعي تكون ناسيني ......... ل تموت ف عيني ..
الفرحة البريئة .
بكتبلك قصايد ............... بالشوق اللي زايد ..
وأقولك مسامحك .
بس انت تعالي .............. هنكمل قواله ..
نتصافي وأصالحك .
يا أعز الحبايب .

اول ما كتب قلمى ( أميره شقير )

اول ما كتب قلمى كتب بكل حماس
لملمت سطور الغرام طلع كلامى ماس
جيت اوزعهم بحب على اغلى الناس
لاقيت كلامى بحر مليان بالأحساس
بكى القلم منى ’ وانا من صغر سنى ’ قلبى بيسألنى !!
جربتى امتى الحب يا بنت العشرين ؟
قولت من امى ’ بتطبطب وتهنى ’
وتعلمنى ان الدنيا من غير حب ولا تسوى ’
حب الرب والعباد بيمحى من القلوب القسوه
قررت من يومها انى احب الناس
وكتبت همساتى فى العقل والكراس
لاقيت حروفى دهب ومنبع الاخلاص
ياللى هويت الشعر اكتب من الأساس
حب القلوب فطره فى العين وفوق الراس
وانا بينكم هنا بيعلا شأنى أكيد ’
انتوا ارق البشر وفى قلبى حبكم بيزيد

‫

&& سيدة الحسن && كلمات - (( أ- أشرف صديق الشافعى ))

سيدة الحسن اقتربى
مالى اراكى ترفضين وصالا
فقد انشد الفؤاد عشقك
وفى بعدك لا اطيق احتمالا
تنتظرى فارس الاحلام حيرى
وعند حيرتك يزداد فيكى الجمالا
ملآتى كونى بوجودك
وسرح فى روعك الخيالا
جئتك امتطى فرسى
باحثا عنك جوالا
سراجه نبض العشق
لاجلك صرت خيالا
سيدة الحسن اصعدى
فقلبى لا يرضى بغيرك وصالا 

&& عزاء وطن && للراقيه - (( ميادة احمد ابو عيش ))

( عزاء وطن)
سوريتي
شرعت أبواب غربتي
لتلقي عزائي فيك
يا أم ( وطني) تبا..تبا..لمن
سلبوا بسمة اهلك !!!
الصورة:
( لمدينة حلب القديمة)
الآن هدمت اثارها