&& حبيبى الحب مش كلمه &&
*******************************
حبيبي الحب مش كلمة ..... ( حماده )
ولا نسمة ف حر الصيف
وعمره ما كان ف يوم همسة ...
ولا لمسه وجو لطيف .
&&
حبيبى الحب دا غنوه --- ( أميره )
مابين اتنين من الأحباب
ولما يغيب واحد منهم
يكون البعد كله عذاب
&&
حبيبي الحب ده فرحة ......... ( حماده )
شعور نابع من الاحساس .
يخلي قلوبنا فيه سارحة ........
كإن عيوننا صابها نعاس .
ونبضة ف القلوب طارحة .......
تبيد للكره اي اساس .

&&
حبيبى الحب لما يصيب --- ( أميره )
يسيب فى القلب دوامه
بشكل جميل بنعشقها
تخلّى الدنيا فرحانه
وفاتحالنا دراعتها
وبالأحضان وخدانا
&&
ولمسة م الحنان شرحة ......... ( حماده )
بتظهر فينا كل حماس .
دا ربنا للقلوب اوحي ............
والف بين قلوب الناس .
نعيش بالحب ومسامحة .......
ويبقالنا كما الانفاس .
&&
ولمسة ايد بتسرقنا من الدنيا --- ( أميره )
ونظرة عين تتوهنا كده فى ثانيه
نلاقى الحب زى الطير واخدنا معاه
على غصن وفيه ورده بتحضنّا
وتهمس لينا جوا الروح وتسرقنا
نلاقى الحب بيسكن جوا ملامحنا
كما الفراشات بألوانها بتسعدنا
حبيبى الحب مش كلمه

&& أعظم شعب && ---- كلمات (( حماده مختار & أميره شقير ))
********************
مصريين احنا اعظم شعب. ...... ( حماده )
ومصر بلدنا خير وامان..
طول عمرنا بنعدي الصعب ......
ونزرع حب ف كل مكان .
تاريخ اجدادنا ف عقل ولادنا ...
وحب بلدنا جوه القلب .
علشان كده احنا اعظم شعب
&&
مصريين احنـا واسـم بلـدنا مذكـورفـى القرآن ( أميره )
واللى بيدخل ارضى الغاليه بيحس بخير وأمان
مصريين والنيل فى بلدنا رمز الخير هو الشـريان
واللى بيشرب منه بيرجـع مصر بتاخده بالأحضـان
&&
مصريتنا عزيزة علينا .......... ( حماده )
مزروعة فينا وفيها ندوب .
جدنا مينا وحد بينا ...........
مصر الغالية شمال وجنوب .
عمرنا يوم مانطاطي الروس ....
نمد ايدينا الكل يبوس ... ...
اقرا تاريخنا هتلاقي احمس .....
مع رمسيس قهروا الهكسوس..
دا تاريخ اجدادنا ف عقل ولادنا...
وحب بلدنا جوه القلب ..
علشان كده احنا اعظم شعب..
&&
اعظم شعب واسأل عنّا من آلاف السنين ( أميره )
اهرامات وحضاره تشهد مصر أمى تبقى مين
احنا شعب خـاض حروب وعبرنا خـط بارليف
والعدو فكرنا عاجزين فكر شعب مصر ضعيف
لكن بقوة الأراده حطمنا اسطوره كانت كلها زيف
علشان كده احنا اعظم شعب مشهور بالدم الخفيف
&&
مصريين وقلنا هنبني .......... ( حماده )
وأدينا بنينا السد العالي..
ابويا بيحكي ليا انا وابني .......
ازاي هو وعمي وخالي ..
شقيوا بجد وتعبوا بكد .......
لحد ماتموا بناء السد. .......
علشان نروي ونزرع صح........
ماكنا هنعرف لولا السد.
دا تاريخ اجدادنا ف عقل ولادنا ...
وحب بلدنا جوه القلب .
علشان كده احنا اعظم شعب
&&
مصر أمى شافت كتير من حكام ومن يهود ( أميره )
كل مصرى عرق فى بلدى علشان يحمى الحدود
مصر هى ارضى وعرضى واللى يوجعها يموت
مش هنسيبها للأعادى مش هنسجد للسكوت
احنا شباب الثوره لازم حلمنا عمره مايموت
علشان كده احنا اعظم شعب فى الحديد يفوت
&&
مصريين عرفانا الدنيا ....... ( حماده )
كل كلامنا حكم ودروس .
قلنا هنمحي نكسة يونيه ......
بدون امريكا.. بدون الروس .
ستة اكتوبر يشهد لينا ........
شاهد نصرنا علي اعادينا .....
يوم مامشينا طريق النصر ....
ف عز الضهر نحرر سينا .
دا تاريخ اجدادنا ف عقل ولادنا...
وحب بلدنا جوه القلب .
علشان كده احنا اعظم شعب
&&
مصريين والشعب الطيب شاف أهوال ( أميره )
حـاكـم ظالـم سـارق شعبـه مـع الاندال
وعشان احنا صبرنا كتير على الأهمال
عالفيس بوك خططنا لخلعه مع الشعب
ووقفنا وقفة رجاله واتحدينا كل الصعب
وهزمنا الخوف جوانا واللى حمانا هو الرب
علشان كده احنا اعظم شعب
&&
مصريين للسلم جنحنا ........ ( حماده )
بعد النصر وراسنا لفوق .
روحنا القدس هناك ونجحنا ....
نرجع حقنا المسروق .
وعلمنا رجع رفرف عالي .......
علي جزء من الوطن الغالي...
وقولنا ساعتها ياريسنا ........
وياك ف سلامك طوالي..
&&
مصريين متحدين مسلمين ومسيحيين ( أميره )
احنا شعب عريق ومصر زهرة البساتين
مصريين ومهما قالوا مش هنضعف او نخاف
واللى هيزايد علينا هو أكيد بعيونه شاف
مصريين وبلدنا طاهره هنحميها فى كل اوان
فاكرين لمتنا وصمودنا واحنا ماليين الميدان ؟!!
احنا شعب منتكسرش احنا شعب مش جبان
بصوا على مصر الحبيبه قلب العالم من زمان
علشان كده احنا اعظم شعب وللوطن العربى بنتمنى الأمان

&& يا أعز الحبايب && لأخى الشاعر المبدع {حماده مختار }

............... { يا أعز الحبايب } ...............
حبيبي يا غايب .......... يا أعز الحبايب .
وحشاني ملامحك .
بكتبلك قصايد ........... بالشوق اللي زايد ..
وأقولك مسامحك .
بس إنت تعالي ........... نكمل قواله ...
نتصافي وأصالحك .
يا أعز الحبايب .
************************************
وإنت بعيد ياغالي ......... ما فارقتش خيالي ..
جوه القلب ساكن .
أسهرلك ليلاتي .......... وأدورلك يوماتي ..
في كل الاماكن .
بعادك كاويني ........... يا مزود أنيني ..
مخاصمك ولكن .
بكتبلك قصايد ............ بالشوق اللي زايد ..
وأقولك مسامحك .
بس إنت تعالي ............ نكمل قواله ....
نتصافي وأصالحك .
يا أعز الحبايب .
***********************************
غيابك جارحني ............ تعالي وصارحني ..
وقوللي الحقيقة .
قول ياحبيبي مالك ........ وبإيه انشغالك ....
عن روحي الغريقة .
اوعي تكون ناسيني ......... ل تموت ف عيني ..
الفرحة البريئة .
بكتبلك قصايد ............... بالشوق اللي زايد ..
وأقولك مسامحك .
بس انت تعالي .............. هنكمل قواله ..
نتصافي وأصالحك .
يا أعز الحبايب .

&& والله حرام && كلمات الشاعره / أميره‬ شقير

فتحت عيونى على الدم فى كل الأوطان
بنــام وأصحــى الاقـى جثث فـى كل مكـان
نفسى مـره اغمض ومحلمـش بقـاتـل أو جبـان
يا مسلمين لازم نتحــد منقولش خلاص فات الأوان
&&&&
استكفينـا يا عــرب مـن داعــش الأشـرار
كل يــوم حــادثه وجـريمه ودبـح وحـرق ونــار
نــاس تمــوت وتتقتـــل والــدم يجــرى ليــل نهار
وفى النهايه نلاقى كفن ونعش وشريط اسود واعتذار
&&&&
طـيب قــولولى آخــرتهــا ايـه ؟
فتنـه طـائفيه وارهـاب والحــل ايـه ؟
أيام الرسـول العظيـم كان فيـه سمـاحـه
كان كل شـىء يـا مسلمـين بيتحـل بصـراحه
دلـوقــت عــدو قــاتل جبــان بيقتــل بكل وقــاحـه
حتى يوم الجمعه فى المسجد قتل اخوانه بكل بجاحه
&&&&
شيعه وسنه ووهابيين وناس بتفرق فى الدين
يا وطنى العربى ملاك الدم خلاص واتحنى بيه الطين
&&&&
والله حــرام دا احنـا مسلمـين
والدم حــرام يا بشـر هو فين الدين ؟
كفــايه ارهــاب ودم أصبحتــم شيــاطين
بقنـاع اسـود وآلـى وقنـابل والأسـم مسلمـين
الله ينتقـم منكـم ومـن كل قـاتل يا كفـره يـا ارهـابيين
كفايه لبس الأعدام لأبرياء دمهم جرى فى الميه بكت بأنين
وكل يوم تتفننوا فى قتل الناس بكل خسه وتعلنوا انكم مسؤولين

‫‏
&&& اللهم ارحم كل شهيد &&&

&& اتغير التاريخ يا بلدى && كلمات الشاعره / أميره‬ شقير

اتولدت يا مصر يا أمى
ولاقيت حسنى مبارك
ومــــامــــا ســـــــوزان
ومكتبات الطفل موجـوده
من وجه بحرى لحد أسوان
&&&
دخلنــا المــدارس واتعلمنـــا
وشــوفنـا تغــيرات كتــير وفهمنــا
ولاقينــا نـاس حقـوقهم ضـايعه وسكتنا
وناس شاربين الذل والاهانه بكينا على حسرتنا
&&&
وفى لحظه لاقينا الشبــاب الغضبــان ثـار
حطـــم قيــــود الخــــوف وأشعــــل النــــار
على كل حاكم ظالم الشعب العربى خلاها دمار
انتشــرت الثـــورات مــا هــو أصــل حـــرام المـــرار
شــربنـا كتــير يــا وطنــى واتجــرعنـا مـــرار الانتـــظار
&&&
ولاقيتــك يـا مــصر يـا بلــدى
أعــاديكـى كتــير أوى منتظــريـن
شايفين ازدهارك صعبان عليهم الأعادى
عــايـزين اســم مـصر ينكســر فـى الطـين
ميعــرفــــوش يــا بلــــــدى يـــا أم الطيبـــين
ان شعبـــك مهمــا اتظلـــم قــوى طــول السنين
مــن أيــام الملـوك الطغـاه لحـد مرسى والمـلاعـين
&&&
شعبــك أصيــل يـا بلــدى وشهــدائـك مخلصــين
ماتوا على أرضك الطاهره فداء لترابك يا غالية الغاليين
ومــن ســاعــة مــا انتفضنــا احنـــا شبـــاب 25 ينــاير

************* ايه حصل ؟ *************
لاقينا العيون اتفتحت عليكى يا مصر
خافوا من شبـابك يصنع من جديد النصر
ارتشــوا وباعــوا ضمائرهم عملاء هذا العصر
وقتلوا اخواتنا الشهداء والأعداء ساكنين فى قصر
&&&
ميعرفوش ان شعب مصر زى المارد الجبار
وجيشنـا حــامى الوطن سهران ليل ونهار
حـالف بأسمـك وعلمك يترفع على كل دار
لأننـا مصريين غـيرنا التـاريخ واصبحنا أحرار
&&&
مافيناش عبيد يا بلدى كلنا مثل الفارس المغوار
حلفنـا نصـون عرضك وترابك والشعب كله اصرار
هدعيـلك وأقــول عمــار يا مـصر يا بلدى عمــار
&&&
تعيشـى يا حـره يا أم البلدان دايمـاً فى ازدهار
ويمـوت أعاديكى كل يوم بحسرتهم الله عزيز جبار
قـــال ادخلــــوهــا بســــلام آمنــين فــى القــــرآن
وذكــرها الرســل ونبينــا قال على جيشهـا من الأخيار
&&&
انفضوا ريشكم يا أعداء كيف الطاووس مغرور
دمك يا شهيد على رمل سينا خلاها خير و نور
زغــرتى يـا أم الشهــيد ابنــك أســـد جســــور
فــدا مــصر بلـــده ورجـــع لهـــا الأمــان والسرور
ملعـــون أبــو الأرهـــاب هنحطـــم كــــل ســــــور
وندمر الأرهابيين يا بلدى اسمك فى القلــوب محفور

بحبك يا مصر

‫‏

&& كل سنه وانتى طيبه أم منه ( رانده ) &&

 يا أجمل رانده فى المكان

عــيد ميــلادك نــور الزمـــان

 حبيتــــك لــرقــة قلبـــك والحنـــان

يا أرق انسانه ياريتنى عرفتك من زمان

&& عارفين مصر تبقى ايه ؟ && كلمات الشاعر/ عبد اللطيف مبارك كلمات الشاعره / أميره شقير - ( أ ) - ( ع )

( أ )
عرفنى مصر تبقى ايه ؟

******************
( ع )
مصر تبقـي حتـه منـى
هى عينـى هى ننـى
هي حلــم فرحـت بيه
عرفتى مصر تبقى ايه ؟
&&&
( أ )
مصر هـى تاريـخ جــدودى
هى غصنـى وهى عـودى
ضحكة طفل جميل بيجرى
علـى ارضهــا اللــه عليــه
&&&
( ع )
هــى ارض الشقيــانين
الغــــــلابـــه الطـيبـين
مـــش لبــاشا ولا بيــه
عرفتـى مصر تبقي ايه ؟

&&&
( أ )
مصر ام الحضــارات
ام الدنيــا طول الاوقات
لــو هقـــول عليهـــا مـره
مش هيكفينى آلاف الكلمات
&&&
( ع )
مصر كـل شــئ حــنين
هرم ونيل وخضره تجنن
وشعـب يا محــلاه نزيه
عرفتـى مصر تبقـى ايه ؟

&&&
( أ )
وان كلمـونى عن مصر
هقـــول بلـــد النيــــل
بلـــد الغنــا والمواويل
بلد خير عمره مايخلص
مهمـا كان خـيرها كتير
&&&
( ع )
مصر هي الأبتسـامـه
مصر دي بر السلامـه
لحـد متقـوم القيــامـه
شعبهــا راضـى عليـه
عرفتى مصر تبقى ايه ؟
&&&
( أ )
مصر تبقى هرم مسله
ريحــة عـطر الـورد فيهـا
لــو هـندخـــل اى مكــــان
فــى شــوارعهـا او حــواريها
لازم هنـــلاقـــى الأصـــــالــه
ونـاسهــا الطيبـه ســاكنه فيهـا
&&&
( أ )
مصر انتى جوا دمى
انت ابويا وانتى امى
ميه تجرى فى شريانى
شمس دافيه بين احضانى
&&&
( ع )
مصر امـى مــصر ابنـى
مصر دى فرحى وحزنى
مصر دفاها مالى حضنـى
وعلمهـــــا متلــــف بيـــه
عـرفتـى مــصر تبقــى ايــه ؟
&&&
( أ )
مـصر قلــب العــالـم
مهما قرب منها ظالم
شعبهــا هيصد دايماً
وهيبعـد اى خــــاين
&&&
( ع )
مصر هي الغصن الاخضر
مصر شعب عظيم مفكر
مـصر اعلـى مـصر اكــبر
من اى خـاين او سفيـه
عرفتـى مصر تبقـى ايه ؟
&&&
( أ )
مصر فيها ناس غلابه
ملايانين نخوه وطيابه
لو مافيش لقمه فى بيتهم
بيستحملوا دايماً عيشيتهـم
مـا هـو اصــل العيشـه صعبــه
بـس تراب مصر اهـون من الغـربه
&&&
( ع )
مصر هـى اعلـى سلطـه
مصر فيها جيش وشرطه
للي طمعـان فيهـا ورطـه
تدهسـه وتـدوس عليـه
عرفتـى مصر تبقـى ايـه ؟
&&&
( أ )
مصر الله عليكى يا بلـدى
بعلنهــــا بكـــل تحـــدى
انتى غاليه يا مصر عندى
انتـى نبـض جــوا قلبــى
&&&
( ع )
مصر فيهـا قلــوب اميره
فيها ناس صافية كتيره
عالكراسي وعالحصيره
قعدة عالكورنيش يابيـه
عرفتى مصر تبقـى ايه ؟
&&&
( أ )
مصر فيها حبيبى وروحـى
فيهــا أبــويـا وفيهـا أمــى
فيهـا اصحــابى وجـيرانى
وذكريـاتى وخـالى وعمى
فيها فـرحى وفيهـا همـى
هى شمسى هى قمرى
الله عليكى يا مصر يابلدى

&& فاتت سنة && بقلم المبدع / على عسران

فاتت سنة
مش نادم
علي حبك انا
كانت سنة
اروع سنة
بس انا
عشقتك اااه
وف لحظةأأه
نهيت الحب
صبتني اااه
ف قلبي انا
بسهم رماه
ادمااااه
وراحت سنة
من عمري انا
ظلمتك لااااا
جاي وكلك مني
انساك انا
ازاي وقلبي جواه
شيلك اااه
نسيت الليل
في حضني ويل
وكاس الحب
سوي شربته
فاتت سنة
وبعد السنة
بتكتب انا
خلاص انساه
انسي برحتك
اما انا مش
هنسي الاااه
فاتت سنة
منك انا
عرفت الحب
ومنك بردو
عرفت انساه

 

&& محتاج منك كلام && بقلم أ الشاعر/ محمود فرج

كنت محتاج منك كلام اسمعك او تسمعيني

بعدك انتي عني حرام والدموع بقت ساكنة عيني

حبك انتي مغروس في قلبي ومش شايف غيرك بعيني

صوتك بالنسبه لي نغمه باتعب لما تهجريني

حبي ليك مش قادر يموت وقلبي ماعرفش السكوت

بينبض باسمك باعلي صوت خايف الأيام تفوت

ياللي هجرك بحر مليان بالدموع بُعدك طفى كل الشموع

واللا غيابك مالوش رجوع قلبي من غيرك موجوع

ادي فرصة لصوتي يعلى يبقى للعالم مسموع

كل الحكاية اني بحبك هو دة كل الموضوع

بااصرخ بااقولها تاني بندهلك انتي فينك من زماني

ياللي غيَّرتي كياني غبتي وطفيتي الشموع

&& عودة ريا وسكينة && بقلم المبدع / مسعد أبوهمسة

تعمـــل مغــرور وتعيش الـــدور
ماهو كل الناس هنا عـارفينك
كـــداب ياعاشور وكلامـك زور
هنطينوا عيشتـك , وسنينك
--------------------------------
دستور وعــواف جينا عشـانك
طنط سِـــكينة ، وسـتـك ريـا
هنكسروا لك طـقــم سنانك
وهنكتمــوا نَفســـك بالـمَيـه
وبكــدة عمــرهــا ما هتتلـوث
أسنانـك ، ولا حتي تســوس
ولا تعـــرف مـن تاني تـبَاوِس
ولا تعــرف ِسينَك مـن شِينك
-------------------------------
أنت يامـوكـوس عامـل روميـو
وبترفــع في السمـا مناخيـرك
روح شوف لـو كان عندك بانيو
أبقا أغسل فيه صـدي تفكيرك
دحنا هنرقـــوك ونبخـــروا فيك
وهنـريحـــوك ، ياخي حصــرة
عليك وعلي تلحينك ،،،،،،،،،
-------------------------------
هتشوف الويـل علي أيـد ريا
وعــذابـك عـلي يـد سِـكِينة
وهتبقــي قتيل مـن غير ديه
مـدبـوح و بـأبــرد . سِـكًيِـنـة
وهنفحتوا فيك ،كده بالكاوريك
ونطـلـعـــوا كـل حبابي عنيك
ونولعـــوا نار ونـعمــــــلك زار
ونقــطعـوا ، رجـليك ، وأدينـك
هنطينوا ، عيشتك ، وسنينك
 

&& خليك فاكرنى && بقلم الشاعره / أميره شقير

خليـك فـاكـرنـى ومتنسانيش
من غيرك انت مقدرش أعيش
حيــاتـى بعــدك متسـاويـش
وكـل أملــى معـــاك أعيــش
&&&&
يــاللـى حبــك كــان هــديه من ربنــا
عايشه وياك كأنـى طايره فى السمـا
نفسى أضمك جوا حضنى يا قلبى أنا
انــت فــرحــة أيــامـــى انــت الهنـــا
&&&&
وعدتنى انك تكون دايما معايا
وأبتديت ويــاك أجمــل حكايه
حكاية حب ملهاش أبدا نهايه
&&&&
حبـى ليك أقــوى مـن الـزمـن
حياتى من غيرك ملهاش تمن
انت عمــرى انـت حيــاتى انـت السكـن
لــو بعــدت عنـى أمـوت وابغــى الكفــن
ياللى قربك خلانى بحبك واتحدى الزمن
&&&&
انت حضنـك بالنسبالى هـو الـوطن
وفى عيونك بحر هادى خدنى بعيد
عشقتهـم ونظـرت فيهـم بالتـأكـيد
لاقيت قلبـك معـايـا فرحـان سعـيد
&&&&
ياللى حبـك احلى جنه انت الحبيب
لو سافرت لآخـر الدنيـا لقلبى قريب
كل حرف معاك عشقته انت الطبيب
داوى ألمـى داوى وجعى جرحى يطيب
يـاللـى حبـك نعمـه مـن ربــى المجيب
لو تسافر أو تفارق برده انت انت الحبيب
خليك فاكرنى – خليك فاكرنى

&& أمَـــل طــارح فِ أرض الحــب && كلمات الطبيب الشاعر المصرى/ د. محمد رزق

أمَـــل طــارح فِ أرض الحُـــــب .؛

ضِــــحـكايَـة ، ونـَخــــلايَـة ،

بَـلـَـح أمـهـــات ..؛

وسُــــكـَّـر يـِـتـبـِـدِر بـالـكـــوم ..؛

ونِـنـسـَــى الـلـُّــوم ،

ونِـتـأمِّــل ..

فِ صُـــنـع الله ،

ونِــتـقـَـدِّم ..

مـافـيـش حُـرَّاس تِـوَقـِّــفـنا ،

ولا سَــــــجَّـان يـكـَـتـِّــفـنا ،

ولا فاسِــــــد يـنـَـتـِّــفـنا ..؛

وياكـُــل لـُـقـمِـة الـغـَلـبان ،

وخـيـرك يـابـلـد يرجَـع ..

ويـتـقـَـسـِّــم ،

عَـلى كـُـلِّ اللى عـــاش فــيـكِى ..؛

وشـــــارب مَـيـِّــتـُه م الـنـِّـيـل ،

وراسِــــــم فـَـرحِـتـُـه فى الـلـيـل ،

وصُـــــبـح يـبـان بـِغـِـنـِّـيـوَة ..؛

بـِـتِـعـزف لـَحـنـَها بـِالـنـُّــور ،

بـنـات الـحــور ..

بــتِـتـمايـل وتـِتـغـندَر ،

وتِـعـزم عَ الـشـَّـــهـيـد يـاكـُـل ..

مـن الــرُّمَّـــان .. ويـِـتـهَـنـَّى ،

ويـِـســـــكـُن قـَـصـــــر فِ الـجَــنـَّة ..؛

ومَـصـــــر تـجَـهـِّـــز الـحِــنـَّة ..

لـــيـوم الـعــــيـد ..؛

ولِــبـس جـــديــد ..

يـسَـــتـَّـر بــنـت مَـكـســـوفـَة ..؛

يـسَــــتـِّـتـهـــا ،

وألــف عــريــس يـــزور بــيـتـهـــا ..

وزَفـِّــتـهـــا ..؛

تـفــوت بـِالـمَــرَّة عَ الأحـباب ..!

وتِــتـبارك ..؛

بـِـصـــــوت ع العـود ..

وتِـتـشــــــارك ..؛

ومـصــر تـعـود ..

وتِــتـباهَــى ،

بـِكِـلـمِـة حُـــب قـُـلــناهـــا ..؛

ونـَضـَّــــفـنا الـمَـكـان خـالِــص ..!

ومِــش نـاقِـــص ..؛

سِـــــوَى أيَّـــام ..

تِـلـَـمـلِـم شـَــــمـل أحـبـابـِى ..؛

وتِــشـــــرب سَــــطـل عِــنـَّـابـِى ،

وتِــتـقـَـدِّم لِـحَـــد الـقـُـدس خـَطـوتــنا ،

دِمِـشـــق تـحِــب لـَمِّـتـنا ،

وكِــلـمِـتـنا ..!

سَـــــلام بـِالـعَـــدل ،

والـقـاضِـــى ..

يـعَـــدِّل حُــكـم كـــان مَــبـتـور ،

يـِـهـِـدِّ الـسُّــــــور ..؛

ويـِـدخـُـل كـُلِّ حُــرَّاس الأمَـــل بــالـدُّور ،

ونـِقـلـَع كـُلـِّـنـا الـطـَّـرطـــور ..!

وفِ الـحَـنـطـــور ..

نِــرَكـِّـب خــيـل إرادِتــنا ..؛

ونِــزرع وَرد جَـنـِّـتــنا ،

ونِـحـصُـــــد خــيـر أمَـــل طــارح ..

فِ أرض الحُـــــب .؛

ضِــــحـكايَـة ، ونـَخــــلايَـة ،

بَـلـَـح أمـهـــات ،

وسُــــكـَّـر يـِـتـبـِـدِر بـالـكـــوم ...!

&& عملت ايه ف قلبي ؟ && بقلم الشاعر / رضا كارم

عملت ايه ف قلبي ماتقول بلاش تخبي

سحرك ملهوش مثيل فى لحظة سرقت قلبي

ومعاك حسيت بحبي طب ليه عامل تقيل

بتعدي عليا انا بتلخبط واسرح واتوه

واشوفك فى كلامي اخبط زي المعتوه

ريحني بكلمة وطمني والنبي يا جميل

لو طول ردك هتجنن وانتي المسئول

لو تطلب عيني ولا اتاخر من غير ماتقول

وغرامك ولا يوم يتعوض وملوهش بديل

بتعدي عليا انا بتلخبط واسرح واتوه

واشوفك فى كلامي اخبط زي المعتوه

ريحني بكلمة وطمني والنبي يا جميل

&& أنا فين وأنت فين && بقلم / شاعر النساء * محمد عبده *

أنا فين وأنت فين
حلمنا حلم صبا طايشين
ومش عارفين أخر تنا فين
أنا في وادي غير الوادي
عشانك أتغربت ف بلادي
حبيتك يمكن أه وجايز
بس أبقي ليك ده اللي مش عادي
شوف نفسك أنت مين
أنت اللي بتتمناه كل عين
أنت حلم ناس كتير
وانا حلمي أدعيلك وأقول أمين
يمكن أكون ميت أو هموت
ما أنا في الأخر بشر مش ملكوت
والوحع جوايا كل يوم بيزيد
والأيام ما بقتش عايزه تفوت
أنا حلمت حلم مش من حقي
بعيد زي السما والأرض
أنا اللي وجعت بإيدي قلبي
وما بقتش أفرق بيا الدفا والبرد
سامحني يمكن كلامي بيوجع
أنا عارف أنك سامعني وبتشوف
بس اللي بيمشي مش بيرجع
وكله تحت أسم القدر والظروف
أنا والأحزان صحاب ليل ونهار
بس الحزن ساعات بيكون أوفي من ناس كتير
ودايما قدرك مش أختيار
وشئ ما ينفعش يكون له بديل
أنا حتي مش عارف عايش ليه
أنت حلم الناس هتموت عليه
أنا بقي ما ينفعش احلم
لان كل حلم بصحي من كابوس عليه
عرفت بقي أنا مين وأنت مين
مهما اتفقنا بردو مختلفين
عايش حياه بين أرض وسما
عايش وماعرفش أنا ليه وأمته وفين

&& حبيبتي عارفة أنتي مين ؟ && بقلم المبدع / شاعر النساء * محمد عبده *

عارفة أنتي مين
×××××××××
أنتي جوة القلب وفي نن العين
أنتي حب العمر والقلب الحنين
أنتي روح الروح والعرق ع الجبين
أنتي اللي لو غبتي لحظة بكون في غيابك حزين
عارفة أنتي مين
×××××××××
أنتي جوة مني عايشة
رغم بعادك بردو بيا حاسة
جواكي حنان أكتر من أم لطفلها
وفيكي جنان زي عيله طايشة
عارفة أنتي مين
×××××××××
أنتي اللي معاكي بس حسيت بالأمان
عرفت معني الحب حسيت إني أنسان
خلتيني عايش أحلي عمر معاكي
بعد ما كنت تايه في بحور الدنيا غرقان
عارفة أنتي مين
×××××××××
أنتي اللي ما ينفعش أزعل منها يوم
واللي لما تضحك بنسي التعب والهموم
اللي معاها بعيش أجمل أحساس
أصل أنتي غير الناس هما كوم وأنتي كوم
عارفة أنتي مين
×××××××××
أنتي اللي أنا عايش عشانها
اللي عايش في حضن أمانها
ولو يوم زعلت منها وأتعصبت
تدلع عليا بحنيه أصلها حتة مني وأنا حتة منها
عارفة أنتي مين
×××××××××
أنتي روح جوه روح عايشة في قلب ساكن
مهما روحت ومهما جيت ومهما غيرت الأماكن
حبك هيبقي جوه والقلب وجوه العين ولا يوم هقدر أنسي
أنتي اصلا عايشه فيا وجوه مني مفيش جايز أو حتي لاكن
عارفة أنتي مين
×××××××××
أنتي اللي مهما كنتي بعيده بحس أنك قريبة
ومهما زعلتي أو أتعصبتي جواكي أنسانة طيبة
أنتي الحب اللي صع يتكرر تاني
أنتي أجمل أحساس حسيتة مع أنك شقية ومتعبة
عارفه أنتي مين
×××××××××
أنتي لحظة جنان وقلب دق بحنين
أنتي حبك حب عمر وشوق سنين
لو راح مني أو بعد عني أخاف ما يرجعش
مهو اصل في الحقيقه مفيش منك أتنين
عارفة أنتي مين
×××××××××
أنتي الميه وقت العطش
أنتي السما ويا القمر
أنتي الذاد عند السفر
أنتي الحب وعشق الروح
أنتي الدفي وقت البرد
أنتي الضل وقت الشرد
يا فرق بين السما والأرض
قلبي معاك وين ما تروح
عارفتي بقي أنتي مين
××××××××××××
أنتي أنا يعني أنا عمري أنا
مهما بعدتي قلب مستنيكي هنا
ولو طال الغياب وفاتت سنين
هتبقي أجمل ذكرا عشتها يا روح قلبي أنا

&& بركان الألــم && بقلم الشاعره / أميره شقير

يا بـركان الألــم امتـى تنطفـى نــارك
الكــل راح وبعـــد والحـــزن جــه زارك
مرضيش يغيب عنك واستحلى مرارك
&&&
ما تقــولى يابركــان واشرحلى اسرارك
ايــه اللـى كـان والسبب فــى غليــانك ؟
بركــان فى القلـب ثـار وطلـب فــورانـك
ما كفايه قسوه وغضب وفر كده شرارك
&&&
وجــــع القلــوب بيخلــى العيشــه صعــب
وانــا قلبــى لمـا اتوجــع والله شـاف الغلب
من امتى وانا فى الفرح وعايشه حالة حب
تكمـل كـده فرحتـى وتدوم سعـادة القلب
&&&
والله يـا بركــان حــرام انــا ملـيت
حـس بيـا شـويه وارحمنى ياريت
روح شـوف مكان تانى وروح عليه
سيبلى شوية فرح اعيش انا فيه
يا بركان الوجـع حيرت القلـب ليه ؟

&& ياغايب عن عيونى && بقلم الشاعر / الامير محمد على

ياغايب عن عيونى
ليه بيغيبوا الحبايب
النوم خاصم جفونى
والدمع فى عينى سايب
قلبى بيسأل عليك
وانت بعيد وغايب
والروح تبعت اليك
سلام م القلب طايب
وحياة جلال جمالك
رد ياعز القرايب
قلبى مشتاق وصالك
والشوق وَحْش بمخالب
عينى تشتاق رؤاك
دا هواك لقلبى غالب
ياريت تقولى فينك
طمن قلبى الى دايب
ياغايب عن عيونى
ليه بيغيبوا الحبايب

&& انتي كل حياتي && بقلم / محمد السني

انتي كل حياتي
انتي اجمل سنيني وزكرياتي
حبي ليك مش حب عادي
لا يحبيبي مش كلام فاضي
ولما شفت عنيكي
ولمست اديكي
كان نفسي اقول للناس ان حبي ليكي
كل يوم بيزيد
كل يوم وانا معكي ببني حلم جديد
واملي في الحياه بيزيد

&& مستنى ايـــــــــه && بقلم / الشاعر عبد اللطيف مبارك

لما تلاقى بلا دك يوم بتنادى عليك
لما الارض تشقق مستنية اديــك
لما النيل الازرق يبكى ويبكيــك
مستنى ايه
لما ترابك مستنيك ياخدك بالحضن
لما تلاقى الورد بيدبل فوق الغصن
لماالارض السودة بينشف منهاالقطن
مستنى ايه
لما تشوف السرقة بعينك والخاين ماشى بينى وبينك
لما بلادك تصرخ فينـك مستنــــى ايــــه

لما تلاقى النور بقى ضلمة ولا قادر تتكلم كلمـــة
حق بلادك فى ادين ظالمة مستنــــى ايــــه
لما تلاقى الظلم بيكتــر لما تلاقى الزرع مش اخضر
لما تلاقى كيانك اصغـر من كل العالم حواليــــك
لما تلاقى حاميها حراميها والكل امال ينهب فيهــــا
وهى بتصرخ مين يحميها مين يحضنها الا ايديــــك
مستنى ايه

&& كبرياء امرأة && بقلم / الشاعر عبد اللطيف مبارك

‏

حبى لاخرحد عندك امشى ورا كيدك وعندك
سيبى نفسك للعواطف حبى الف حب زايــف
انا عارف انا شايف انى اول حب عنـــدك
حبى لاخر حد عندك
حبى غيرى حبى ياما حب كيد وعند وملاما
كل همك انك تشوفى لحظة فيها المى وخوفى
وانتى فى شفايفك حروفى والاهات والابتسامة
مش ها قلك سيبى قلبى لانك انتى حاسة حبى
بس مش سايبة غرورك كبرياءك شال شعورك
عايزة بس يبقى دورك انك تتحبى ما تحبى
حبى لاخر حد عندك