&& ليه غَـيّرّتَنّى ؟ && بقلم الشاعره / ‏أميره‬ شقير

&& ليه غَـيّرّتَنّى ؟ &&
ــــــــــــــــــــــــــــــــ

كام واحده قبلى عرفتها ؟
كام غنـوه لغيرى ألفتهــا ؟
حبيتنــى ليـــه وقتهــــا ؟
وغَـيّرّتَنّى
&&&&
طيب قـولـت ليـه بتحبنــى ؟
سيب قلبى يبكى وينحنى
حبـــك دا شـــىء هـزنــى
وذنبى ايه ؟
&&&&
غلبتنــى وحيرتنــى
بتقول انك عشقتنى
وبشوف يوماتى حد غيرى
فى حيـاتك ليـه دخلتنــى ؟
&&&&
ماتقولى ليه عملت كـده ؟
وليه يا روحــى الظلم ده ؟
خليتنى ليه متعوده دايماً عليك ؟
&&&&
قلبـى خــلاص بينفطـر
متقولش قلبك ده حجر
كان حـــب دا ولا قــدر ؟
وهعمل ايه ؟
&&&&
فاكر فى يوم ما قولتلى ؟
انك فى يوم لو سيبتنى
هتمـــــوت أكــــــــــيد
&&&&
راحـت وعــودك كلهـــا
بحلــــوهــا ومــرهــــا
مبقاش فاضلى غير الهموم
&&&&
وبكت عيونى يا حبيبى
ولا مره قلبك حن عليـا
وقلبــى معـاك مظلـوم
&&&&
كام واحده قبلى عرفتها ؟
كام غنـوه لغيرى ألفتهــا ؟
حبيتنــى ليـــه وقتهــــا ؟
وغَـيّرّتَنّى

‫